Түүхэн замнал
2004 он
20,000 шувуутай өндөглөгч тахианы аж ахуй үйл ажиллагаагаа эхлүүлэв.
2008 он
Дэгдээхийн №1 байр, өндөглөгчийн №4, №5-р байрыг ашиглалтад оруулав. Аж ахуйн хүчин чадал 120 000 шувуутай болов.
2012 он
Өндөглөгчийн №1, №2, №3 шинээр ашиглалтад оруулав. Аж ахуйн хүчин чадал 210 000 шувуутай болж өргөжив. Үйлдвэрийн дэргэдэх Чанарын хяналтын лабораторийг байгуулав.
2012 он
Тахианы мах боловсруулах үйлдвэр ашиглалтад оров.
2014 он
Сав баглаа боодлын үйлдвэр ашиглалтад оров.
2015 он
Тэжээлийн бүрэн автомат үйлдвэрийг ашиглалтад оруулав.
2016 он
Өндөглөгчийн №6, Дэгдээхийн №2 байр ашиглалтад оруулав. Аж ахуйн хүчин чадал 310 000 шувуутай болж өргөжив.
2017 он
Өндөглөгчийн №7 байрыг ашиглалтад оруулав. Тахианы аж ахуйн хүчин чадал 350 000 болов.
2018 он
Чанарын хяналтын сорилтын лаборатор ISO MNS 17025 итгэмжлэлийн авав. Усжуулах компанийг худалдан авч усалгаат газар тариаланг хөгжүүлж эхлэв.
2019 он
IPO гаргаж олон нийтэд нээлттэй хувьцаат компани болов.
2019 он
Өндөглөгчийн 8-р байр ашиглалтад оров.
2019 он
Түмэн шувуут - 2 төслийн бүтээн байгуулалтын ажлыг эхлүүлэв.
2019 он
Оффис, агуулахын 2500 м/кв байгууламж ашиглалтад оров.
2019 он
Органик бордооны үйлдвэр ашиглалтад оров.
2020 он
Шингэн өндөгний үйлдвэрийг ашиглалтад оруулав.
2020 он
Тэжээлийн үйлдвэрийн түүхий эд агуулах савыг 1000 тонноор нэмэгдүүлэв.
2021, 2022, 2023 он
Түмэн шувуут - 2 төслийн өндөглөгч шувууны байруудыг ашиглалтад оруулав.
2024 он
Түмэн шувуут - 3 төслийн бүтээн байгуулалтын ажлыг эхлүүлэв.
2025 он
Түмэн шувуут - 3 төслийн дэгдээхэйн болон өндөглөгчийн байруудыг ашиглалтад оруулав.
Бидний тухай
“Түмэн шувуут” ХК нь 2004 онд Шувуун фабрикт, өнөөгийн Хан-Уул дүүргийн 13-р хороо, Туул тосгонд үүсгэн байгуулагдсан.
Өдгөө тус компани нь:
- Нэг удаад 460 мянга гаруй ширхэг үржлийн өндөг дарах хүчин чадалтай инкубаторын цех,
- 300 мянган дэгдээхэй бойжуулах, жилд 250.0 сая ширхэг өндөг үйлдвэрлэх хүчин чадал бүхий, нийт 1.3 сая өндөглөгч тахиатай 3 шувууны аж ахуй,
- Шувууны сангасыг боловсруулан компост бордоо үйлдвэрлэдэг органик бордооны үйлдвэр,
- Жилд 63.0 тонн тахиа болон малын тэжээл үйлдвэрлэх бүрэн автомат, орчин үеийн техник, технологи бүхий тэжээлийн үйлдвэр.
“Түмэн шувуут” ХК нь инновац, дэвшилтэт технологийг нэвтрүүлэн, хөдөө аж ахуйн салбарт тогтвортой, үр ашигтай үйл ажиллагаа явуулсаар байна.
Та бүхнийхээ амар амгаланг айлтган мэндчилье
Монголчууд бид таван хошуу малын буянд тулгуурлан эрүүл, аюулгүй хүнсээр хүн амаа хангах чухал үүрэгтэй. Гэсэн ч өнөөдөр тахианы мах, өндөгний хэрэгцээний ихэнхийг импортоор нөхөж байгаа нь дотоодын үйлдвэрлэлээ нэмэгдүүлэх шаардлагыг тод харуулж байна. “Түмэн Шувуут” компани түмнийх болох шийдвэр гарган, хөрөнгийн зах зээлд нээлттэй болж байна. Бид өндөглөгч аж ахуйгаа өргөтгөхөөс гадна газар тариалан, гурил тэжээлийн үйлдвэр, махны чиглэлийн тахианы аж ахуй, органик бордооны үйлдвэрлэл зэрэг уялдаа холбоотой төслүүдийг хэрэгжүүлэхээр төлөвлөсөн.
Бидний зарчим бол:
“Чин сэтгэлээсээ зүтгэвэл сайн үйлс дэлгэрч, амжилт аяндаа ирдэг.”
Монгол хүнийг эрүүл, баталгаатай хүнсээр хангах, монгол бүтээгдэхүүний үнэ цэнийг дэлхийд таниулах үйлст хамтран оролцохыг урьж байна.
“Түмэн Шувуут” ХК -ийн Гүйцэтгэх Захирал Ж. Болд
Нэгдсэн менежментийн
тогтолцооны бодлого
- Монгол Улсын хууль тогтоомж, стандартын хүрээнд хүнсний аюулгүй байдлыг бүрэн хангасан эрүүл, экологийн бүтээгдэхүүн үйлдвэрлэж, өөртөө болон хэрэглэгчдэд таашаал өгнө.
- Сонирхогч талуудынхаа хэрэгцээ, шаардлага, хүлээлтийг хүндэтгэн, ил тод, эерэг харилцааг эрхэмлэж, хамтын ажиллагаанд шударга байна.
- Ногоон тоног төхөөрөмжийг суурилуулж, хаягдалгүй, дахин боловсруулах технологи ашиглан, хүн байгальд ээлтэй үйлдвэрлэлд тэмүүлнэ.
- ISO/IEC 17025 олон улсын стандартуудыг үйл ажиллагаандаа хэрэгжүүлэн тогтмол сайжруулалт хийж, ажлаараа итгэл төрүүлнэ.
- Ажилтнуудынхаа мэдлэг, ур чадварыг тасралтгүй хөгжүүлэн инноваци, хиймэл оюун ухаан нэвтрүүлж, аз жаргалтайгаар амжилтанд хамтдаа хүрнэ.
Шагнал, урамшуулал
Улсын Тэргүүний Фермер
2013 онд
Нийслэлийн шилдэг Фермер
2014, 2015, 2016 он
ХУД -ийн “Шилдэг Фермер”
2015, 2016 онуудад
Шилдэг бүтээглэхүүн үйлдвэрлэгч
2017 он
Шилдэг татвар төлөгч
2020 он
Шилдэг үйлдвэрлэгч
2025 он
Аз жаргалыг үйлдвэрлэнэ
Алсын хараа
"Хөдөө аж ахуйн бүтээгдэхүүний чанараар дэлхийд тэргүүлнэ"
Түмэн шувуут ХК нь үнэ цэнтэй, чанартай хөдөө аж ахуйн бүтээгдэхүүн үйлдвэрлэж, Монголын салбарт дэлхийн жишгийг тогтоох зорилготой.
Эрхэм зорилго
"Эрүүл экологийн бүтээгдэхүүнээр амьдралын чанарыг дээшлүүлнэ"
Эрүүл хүнс амьдралын чанарыг тодорхойлдог. Бид экологийн стандартад нийцсэн бүтээгдэхүүн үйлдвэрлэн, тогтвортой өсөлтөөрөө нийгмийн хөгжилд хувь нэмэр оруулна.
Бидний уриа
"Аз жаргалыг үйлдвэрлэнэ"
Хүний аз жаргал эрүүл энх, элбэг хангалуун амьдралаас эхэлдэг. Түмэн шувуут ХК нь эрүүл бүтээгдэхүүн, тогтвортой ажлын байраар дамжуулан нийгэмд аз жаргал бүтээнэ.
