"Түмэн шувуут" ХК Хувьцаа эзэмшигчдийн ээлжит хурлаа зохион байгууллаа. Хурал 2026 оны 04-р сарын 25-нд 14:00 цагт “Бэст Вэстэрн Примьер Туушин зочид буудал”-ын “Соёмбо” танхимд боллоо.

Хурлаар дараах асуудлуудыг хэлэлцэн, шийдвэрлэв.

1. ПАНЕЛ ХЭЛЭЛЦҮҮЛЭГ

Илтгэгчид:

• Ө.Оргил-Эрдэнэ  “Хөрөнгөө зөв удирдах нь зөв асуулт асуухаас эхэлнэ. ”
• Х.Хатанбаатар “Бүтээлч сэтгэлгээ ба суралцахуй”
• М.Болод “Брендийг хэрхэн бүтээх вэ?”
• Ж.Болд “Бид хэрхэн ажилладаг вэ”

2. “Түмэн шувуут” Хувьцаат компанийн 2025 оны үйл ажиллагааны болон санхүүгийн тайлангийн талаарх төлөөлөн удирдах зөвлөлийн гаргасан дүгнэлтийг хэлэлцэж батлав. Танилцуулгыг "Түмэн шувуут" ХК-ийн Гүйцэтгэх захирал Ж.Болд, "Онч аудит" ХХК-ийн партнер Б.Уранбилэг, ТУЗ-ийн хараат бус гишүүн, ТУЗ-ийн дэргэдэх Аудитын хорооны дарга Ц.Наран-Учрал нар мэдээлэл хийж, дүгнэлтийг нийт Хувьцаа эзэмшигч нарт танилцуулав.

3. ТӨЛӨӨЛӨН УДИРДАХ ЗӨВЛӨЛИЙН ЕРДИЙН БОЛОН ХАРААТ БУС ГИШҮҮДИЙГ СОНГОВ

ТУЗ-ийн гишүүнд нийт 9 хүн нэр дэвшсэнээс нийт хувьцаа эзэмшигчдээс олонхийн санал авч дараах 9 гишүүн сонгогдов.

4. ТӨЛӨӨЛӨН УДИРДАХ ЗӨВЛӨЛИЙН ЦАЛИН, УРАМШУУЛЛЫН ЗАРДЛЫН ТӨСӨВ БАТЛАВ.

5. НОГДОЛ АШИГ ХУВААРИЛАХ ТУХАЙ ТУЗ-ИЙН ШИЙДВЭРИЙГ ТАНИЛЦУУЛАВ.

• “Түмэн шувуут” ХК-ийн 2025 оны цэвэр ашгаас нийт хуваарилах ногдол ашиг: 4.3 тэрбум төгрөг
• Нэгж хувьцаанд - 21.8 төгрөг
• Ногдол ашиг авах эрхтэй хувьцаа эзэмшигчийн бүртгэлийн өдөр: 2024.04.08
• Ногдол ашиг тарааж эхлэх хугацаа: 2026.04.30-ний өдөр
• Түмэн шувуут ХК-ийн нийт хувьцаа эзэмшигчдийн тоо: 23,038 /2026 оны 04-р сарын 08-ны өдрийн байдлаар